ВОЯГА ЕТМАГАНЛАРНИ СЎРОҚ ҚИЛИШНИ РАСМИЙЛАШТИРИШ ХУСУСИЯТЛАРИ
Abstract
Мазкур мақолада вояга етмаганларни сўроқ қилиш натижаларини процессуал расмийлаштиришнинг ҳуқуқий ва амалий жиҳатлари таҳлил қилинган. Муаллиф сўроқ баённомасини тузиш тартиби, унинг мазмунига қўйиладиган талаблар, овоз ёзиш, видеоёзув ва кинотасвирга олиш каби техник воситалардан фойдаланишнинг ҳуқуқий асослари ҳамда уларнинг исботлаш жараёнидаги аҳамиятини ёритган. Шунингдек, таржимон иштирокида сўроқ қилиш, вояга етмаган шахснинг кўрсатувларини ўз қўли билан ёзиб бериш ҳуқуқи, баённомани имзолаш тартиби ва процессуал иштирокчиларнинг ҳуқуқ ва мажбуриятлари таҳлил қилинган. Мақолада вояга етмаганларнинг ҳуқуқларини таъминлаш, кўрсатувларнинг ҳаққонийлиги ва тергов ҳаракатларининг қонунийлигини кафолатлашга қаратилган процессуал механизмлар асослаб берилган.
