INTELLEKTUAL TAHLIL TIZIMLARI YORDAMIDA YOSHLARNING INDIVIDUAL QIZIQISHLARINI BASHORAT QILISH VA KASBGA YO'NALTIRISHNING DASTURIY MODELI

Abstract

Ushbu ilmiy ish intellektual tahlil tizimlari yordamida yoshlarning individual qiziqishlarini bashorat qilish va kasbga yo‘naltirishning dasturiy modelini ishlab chiqishga bag‘ishlangan bo‘lib, raqamli izlar va ijtimoiy-psixologik ma’lumotlar asosida kasbiy hamda shaxsiy qiziqishlarni yuqori aniqlikda aniqlash imkoniyatini ochadi. Tadqiqotning asosiy maqsadi O‘zbekiston yoshlarining raqamli faolligi – ijtimoiy tarmoqlar, mobil ilovalar va onlayn xatti-harakatlar ma’lumotlarini ijtimoiy-psixologik test natijalari bilan integratsiya qilgan holda Random Forest, Support Vector Machine (SVM) va Gradient Boosting algoritmlarining qiyosiy tahlili orqali eng samarali bashorat modelini yaratishdan iborat. “Raqamli O‘zbekiston – 2030” va sun’iy intellekt texnologiyalarini rivojlantirish strategiyalari doirasida yoshlar siyosatini mashina o‘qitish (ML) bilan bog‘lash dolzarbligi ta’kidlanadi. An’anaviy so‘rovnomalarning subyektivligi, past javob berish darajasi va vaqt talab qilishi intellektual tahlilning real vaqt rejimida ma’lumot yig‘ish, avtomatik tasniflash va yuqori aniqlikdagi afzalliklari bilan solishtiriladi. Metodologiyada 2500 nafar 18-30 yoshdagi yoshlardan tashkil topgan ma’lumotlar bazasi shakllantirildi, ma’lumotlarga ishlov berish pandas, StandardScaler va feature selection orqali amalga oshirildi. Random Forest algoritmi 93% aniqlik, 91% precision va 92% recall ko‘rsatkichlariga erishib, SVM (88%) va Gradient Boosting (91%) dan ustun chiqdi. Dasturiy majmua Python, scikit-learn va Flask asosida besh modulli arxitekturada ishlab chiqildi: ma’lumot yig‘ish, preprocessing, model o‘qitish, bashorat va foydalanuvchi interfeysi. Natijalar yoshlar ta’lim yo‘nalishini belgilash va kasbiy yo‘naltirishda amaliy samaradorlikni 90% dan yuqori darajada ta’minlaydi. Tadqiqot yoshlar siyosatini raqamli transformatsiya bilan mustahkamlab, kelgusida chuqur o‘rganish modellari bilan rivojlantirish istiqbollarini ochadi (192 so‘z).