AN`ANAVIY MAVZU DOIRASIDA POETIK IFODANING YANGILANISHI

Abstract

Erpo‘lat Baxtning ko`plab she`rlaridan qadim  Xorazm vohasining, Amu suvlarining,  navqiron gujumlarning salqin  nafasini, ajib   bir yengillikni tuyasiz.  Shoirning “Shodlik hidi” she`riy to‘plamiga kirgan turkum she`rlarda milliy qadriyatlar va urf-odatlarga hurmat, vatanga muhabbat, faxr-iftixor, ertangi kunga ishonch, ezgu orzular, mehmondo‘stlik, mehnatsevarlik, bolajonlik, halollik, yaxshilik kabi milliy-mental g‘oyalarning umuminsoniy miqyos kasb etishini ko‘rish mumkin. An`anaviy mavzu doirasida poetik ifodaning yangiligi, xalqona ohangning milliylik, vatanparvarlikka yo‘g‘rilgan holda baxshi bola tilidan ifodalanishida ko‘rinadi. She`rning asosiy g‘oyasi – vatanparvarlik. Boshqa barcha yondosh g‘oyalar uning tarmoqlari bo‘lib, markaziy g‘oyani yanada yorqinroq ifodalashga xizmat qilgan. Shoir xalqimizga xos bolajonlik fazilatlarini kelajak va sho‘x bola detallariga ishora qilish orqali o‘ziga xos ifodalagan.